اقبلي يابنت شِيخان الجزيرة ** مهرةٍ والكل طامع في نسبها
اقبلي والمسك قد جانا عبيره ** ياهنوفٍ سعد عين اللي خطبها
قبلتك بالنور يا عليا مثيرة    **  ماسة الدنيا ويا صافي ذهبها 
ياشبابك وانتي بشموخك كبيرة  ** نخلةٍ طابت لمن يجني رطبها
ايه عليا بكل أبياتي جديرة ** بنت عبدالله وعبدالله جذبها
جدها أبو حبيب اللي عّم خيره ** وكل خلق الله بوقفاته كسبها
ياغزالٍ يذبح الحساد غيره ** ياعنا كل الصبايا ياتعبها
البشر من زينها قالوا بحيره ** حظ منهو فاز فيها وبنسبها
أيه احمد ماتبي بالناس غيره  **  بن صباح احمد ترى غاية طلبها
ابن خالد لالفى للمجد سيره ** بالكويت شيوخ للدار وعربها
كل فخر وطيب أنا ملكه وأسيره ** والشعور حروف واحساسي هذبها
‎لجل عليا بنت شيخان الجزيرة ** قايد الي صاغها  واللي كتبها